ગુજરાતના આ પાડોશી રાજ્યમાં કોરોનાની ત્રીજી લહેર આવી ગઈ હોવાની આશંકાથી ખળભળાટ, બે જિલ્લામાં 600 બાળકોને કોરોના

<p><strong>નવી દિલ્લીઃ</strong> સમગ્ર વિશ્વમાં કોરોનાની બીજી લહેરના કારણે કોરોનાના કેસો વધી રહ્યા છે અને દેશભરના લોકો ત્રસ્ત છે. આ બીજી લહેર પછી&nbsp; કોરોનાની ત્રીજી લહેર આવશે એવી આગાહી કરાઈ છે ને તેના કારણ લોકો પરેશાન છે.&nbsp; કોરોનાની ત્રીજી લહેરની સૌથી વધારે અસર બાળકો પર પડવાની છે એવી ચેતવણી મેડિકલ નિષ્ણાતો આપી રહ્યા છે. આ લહેર ઓક્ટોબરમાં આવશે એવી ચેતવણી અપાઈ રહી છે પણ&nbsp; રાજસ્થાનના બે જિલ્લામાં બાળકો ખૂબ જ ઝડપથી કોરોનાના કારણે સંક્રમિત થઈ રહ્યા હોવાથી ભારતમાં કોરોનાની ત્રીજી લહેર આવી ગઈ છે કે શું એ સવાલ પૂછાઈ રહ્યો છે. રાજસ્થાનના દૌસા અને ડુંગરપુર એ બે જિલ્લામાં બાળકોમાં વધી રહેલા કોરોના સંક્રમણના કેસ ચિંતાજનક છે અને ટૂંકા ગાળામાં 600થી વધારે બાળકોને કોરોનાનો તેપ લાગતાં આ ત્રીજી લહેરની અસર હોવાની આશંકા સેવાઈ રહી છે.&nbsp;</p> <p>રાજસ્થાનમાં મોટા પ્રમાણમાં બાળકો કોરોના મહામારીની લપેટમાં આવવા લાગ્યા છે અને&nbsp; ત્રીજી લહેર અંગે જે પ્રકારની ચેતવણીઓ મેડિકલ નિષ્ણાતો દ્વાર અપાઈ રહી છે એ જ રીતે બાળકો પણ કોરોના સંક્રમણનો ભોગ બની રહ્યા છે. રાજસ્થાનમાં 600 જેટલા બાળકો કોરોનાનો શિકાર બનતાં હાહાકાર મચ્યો છે અને આ ત્રીજી લહેરની અસર હોવાની આશંકા સેવાઈ રહી છે.</p> <p>રાજસ્થાન સરકારના આરોગ્ય વિભાગના અહેવાલ પ્રમાણે દૌસા ખાતે 1 મેથી 21 મે દરમિયાન 18 વર્ષથી ઓછી ઉંમરના 341 બાળકો કોવિડ પોઝિટિવ આવ્યા છે. ડુંગરપુર ખાતે પણ આવી જ ખરાબ હાલત છે. ડુંગરપુર ખાતે 12 મેથી 22 મે સુધીમાં 18 વર્ષથી ઓછી ઉંમરના 255 બાળકો સંક્રમિત થયા છે.</p> <p>જો કે ડુંગરપુરના કલેક્ટર સુરેશ કુમાર ઓલાના કહેવા પ્રમાણે ડુંગરપુર જિલ્લામાં બાળકોમાં કોરોના સંક્રમણ ખૂબ જ સામાન્ય છે. બાળકોના માતા-પિતા કોરોના પોઝિટિવ આવી રહ્યા છે માટે બાળકો પણ સંક્રમિત થયા છે એવો તેમનો દાવો છે.</p>

from india https://ift.tt/3vaesZH