ગુજરાતના આ વિસ્તારમાં તૂટી પડશે વરસાદ, માછીમારોને દરિયો ન ખેડવા સૂચના

<p>રાજ્યમાં વરસાદી માહોલ યથાવત રહેશે. આ આગાહી હવામાન વિભાગે કરી છે. સાથે જ દક્ષિણ ગુજરાતમાં ભારે વરસાદની આગાહી કરવામાં આવી છે અને રાજ્યના અન્ય વિસ્તારોમાં પણ મધ્યમ વરસાદ પડશે. તો અમદાવાદમાં પણ છૂટો છવાયો વરસાદ પડી શકે છે.</p> <p>વલસાડ, નવસારી, ડાંગ, દમણ, દાદરાનગર હવેલીમાં અતિભારે વરસાદની આગાહી છે. તો સુરત, તાપી જિલ્લામાં ભારે વરસાદનું અનુમાન છે.</p> <p>હવામાન વિભાગના મતે 23 જુલાઈએ બંગાળની ખાડીમાં હવાનું હળવું દબાણ સર્જાશે. જેથી 24 જુલાઈથી રાજ્યમાં ફરી એકવાર વરસાદી માહોલ વધુ જામશે. હવામાન વિભાગે આ સાથે જ પાંચ દિવસ માછીમારોને દરિયો ન ખેડવા સૂચના આપી છે.</p> <p><strong>દક્ષિણ ગુજરાતમાં વરસાદ</strong></p> <p>સુરત જિલ્લાના કીમમાં રવિવારે વરસેલા વરસાદે બે દાયકાનો રેકોર્ડ તોડી નાંખ્યો છે. રવિવારે રાત્રે વરસેલા ચાર કલાકમાં ખાબકેલા 14 ઈંચ વરસાદથી જળબંબાકારની સ્થિતિ સર્જાય હતી. ભારે પવન સાથે વરસેલા વરસાદથી 15 વૃક્ષો ધરાશાયી થયા હતા. તો કામરેજના ભૈરવમાં 25 અને કઠોર ગામમાં 10 વીજપોલ પણ ધરાશાયી થતા 15 કલાક સુધી અંધારપટ છવાયો હતો.</p> <p>બીજી તરફ દક્ષિણ ગુજરાતના વલસાડમાં પણ પોણા સાત ઈંચ અને નવસારીના ખેરગામ અને વાંસદામાં ત્રણ ઈંચ વરસાદથી 15 ગામના 10 હજારથી વધુ લોકો સંપર્ક વિહોણા થયા હતા. દક્ષિણ ગુજરાતમાં સતત બીજા દિવસે પણ સારો વરસાદ નોંધાયો હતો. રવિવારે દિવસ દરમિયાન વલસાડના ઉમરગામમાં 9.6 ઈંચ વરસાદ વરસ્યો હતો.</p> <p>રવિવારે રાત્રે સુરત જિલ્લાના કિમમાં મેઘરાજા મન મુકીને વરસ્યા. અને કીમમાં 24 કલાકમાં 15 ઈંચ વરસાદ નોંધાયો હતો. ધોધમાર વરસાદને લીધે કીમ નદીનું જળસ્તર પણ વધી ગયુ હતુ. <br />રવિવારે સવારે&nbsp; કીમ નદીનું લેવલ ચાર મીટર હતુ. તે સોમવારે સવારે વધીને 6.5 મીટર પર પહોંચી ગયુ હતુ. વરસાદને લીધે કીમના 50 જેટલા ઘરોમાં પાણી ઘુસી ગયા હતા. વલસાડમાં પણ મેઘરાજાએ બીજા દિવસે ઘોઘમાર વરસાદ વરસ્યો હતો. અને વલસાડના કપરાડમાં પોણા સાત&nbsp; ઈંચ વરસાદ વરસ્યો હતો.</p> <p>તો ધરમપુરમાં પણ પોણા પાંચ ઈંચ વરસાદ વરસ્યો હતો. ધોધમાર વરસાદને પગલે પાર નદી, દમણગંગા નદીમાં પૂર જેવી સ્થિતિનું નિર્માણ થયુ હતુ. સતત વરસી રહેલા વરસાદથી નિચાણવાળા વિસ્તારોમાં પાણી ફરાતા 15 ગામના દસ હજારથી વધુ લોકો સંપર્ક વિહોણા થયા હતા.</p>

from gujarat https://ift.tt/2TmfN1P