બીજો ડોઝ લેવા પહોંચેલી મહિલાને કોવેક્સિનની જગ્યાએ અપાઇ કોવિશીલ્ડ, મહિલાની હાલત થઇ ગંભીર

<p>રાંચીના શિવાજીનગરમાં રહેનાર મહિલા શીલા દેવી વેક્સિનનો બીજો ડોઝ લેવા માટે એડવાન્સ ડાયગ્નોસ્ટિક સેન્ટર પહોંચી હતી. શીલા દેવીને પહેલો ડોઝ કોવેક્સિનનો મળ્યો હતો.</p> <p>કોરોના વાયરસની મહામારીની વચ્ચે વેક્સિનેશનની સ્પીડ તેજ થઇ ગઇ છે. જો કે રસીકરણના અભિયાન દરમિયાન બેદરકારીની ઘટનાઓ પણ સામે આવી રહી છે. આવો જ એક કેસ ઝારખંડમાં સામે આવ્યો&nbsp; છે. ઝારખંડની રાજધાની રાંચીમાં રહેનાર મહિલાએ પહેલો ડોઝ કોવેક્સિનનો લીધો હતો જયારે તેને બીજો ડોઝ કોવિશીલ્ડનો આપી દેવાયો. આ બેદરકારીનો મામલો બરગાંય સ્થિત એડવાન્સ ડાયગ્નોસ્ટિક સેન્ટરની છે. વેક્સિનનો બીજો ગલત ડોઝ અપાતા મહિલાની તબિયત ખરાબ થવા લાગી.</p> <p>મહિલાની સ્થિતિ વધુ ગંભીર થતાં તેને તાત્કાલિક મેડિકા હોસ્પટલમાં સારવાર માટે દાખલ કરવામાં આવી તેનો ઇલાજ મેડિકામાં ચાલી રહ્યો હતો. પરિવારે આ ઘટનાના મામલે આક્રોશ વ્યકત કર્યો છે. પરિવારે આરોપ લગાવ્યો કે, વેક્સિનું સર્ટી જોયા વિના હેલ્થ કર્મીએ બીજો કોવિશીલ્ડ ડોઝ આપી દીધો. હેલ્થ સેન્ટરની આ લાપરવાહી પર પરિવારજનોએ આક્રોશ વ્યક્ત કર્યો છે.</p> <p>પરિવારજનોએ ડાયગ્નોસ્ટિક સેન્ટર લાપરવાહીનો આરોપ લગાવતા જણાવ્યું કે,જો ભવિષ્યમાં આવી બેદરકારીની ઘટના બને છે તો બેદરકારી કરનાર સેન્ટરે જ ઇલાજની તમામ જવાબદારી ઉઠાવવી જોઇએ.</p> <p><strong>દેશમાં શું છે કોરોનાની સ્થિતિ<br /></strong>&nbsp;ભારતમાં કોરાના સંક્રમણ મામલા સતત ઘટી રહ્યા છે. દેશમાં સતત 15મા દિવસે 50 હજારથી ઓછા કેસ નોંધાયા હતા.&nbsp; સ્વાસ્થ્ય મંત્રાલયના જણાવ્યા મુજબ દેશમાં છેલ્લા 24 કલાકમાં 37,154 નવા કેસ નોંધાયા હતા &nbsp;અને 724 લોકોના મોત થયા હતા. દેશનો રિકવરી રેટ વધીને 97.22 ટકા પર પહોંચ્યો છે.</p> <p><strong>દેશમાં કોરોના વાયરસની સ્થિતિ</strong></p> <ul> <li>કુલ કોરોના કેસ - ત્રણ કરોડ 8 લાખ 32 હજાર 870</li> <li>કુલ ડિસ્ચાર્જ - ત્રણ કરોડ 14 હજાર 713</li> <li>કુલ એક્ટિવ કેસ - 4 લાખ 50 હજાર 899</li> <li>કુલ મોત - 4 લાખ 8 હજાર 764</li> </ul> <p>ગઈકાલે 14 લાખ 32 હજાર 343 કોરોના ટેસ્ટ કરવામાં આવ્યા હતા. જ્યારે અત્યાર સુધીમાં કુલ 37,73,52,501 લોકોને રસીના ડોઝ આપવામાં આવ્યા છે. રવિવારે 12,35,287 લોકોને રસીના ડોઝ આપવામાં આવ્યા હતા.</p> <p>&nbsp;</p>

from india https://ift.tt/3wFbhJC
via IFTTT