Junagadh : શહેર કોંગ્રેસ પ્રમુખે પત્નીને માર્યો ઢોર માર, ઇજાગ્રસ્ત પત્ની હોસ્પિટલમાં દાખલ

<p><strong>જૂનાગઢઃ</strong> શહેર કોંગ્રેસ પ્રમુખ અમિત પટેલ દ્વારા તેની પત્નીને માર મરાયો હોવાની ઘટના સામે આવતા ચકચાર મચી ગઈ છે. ઈજાગ્રસ્ત હાલતમાં શહેર કોંગ્રેસ પ્રમુખના પત્ની હોસ્પિટલમાં સારવાર માટે ખસેડાયા છે. ઘર કંકાસને કારણે અમિત પટેલ અવારનવાર પોતાની પત્ની સાથે મારકૂટ કરતાં હોવાનું તેમના પત્નીનું નિવેદન છે.&nbsp;</p> <p>અમિત પટેલ તેમજ તેમના બહેન દ્વારા તેમના પત્નીને વાળ પકડી ઢસડી પાઇપ વડે માર મારતા પગમાં ઇજા થયેલ છે. પોલીસ ફરીયાદ માટે કાર્યવાહી, લાંબા સમયથી અમિત પટેલ તેમના પત્ની સાથે મારકૂટ કરતાં હોય આજે સહન ન થતાં ઈજાગ્રસ્ત હાલતમાં સારવાર અર્થે ખસેડાયા છે. સ્થાનિક પોલીસ દ્વારા ફરિયાદ નહીં લેવામાં આવેતો હાઇકોર્ટ સુધી જવાની ચીમકી આપી છે. પત્ની પૂનમબેન અમિતભાઈ પટેલને સિવિલ હોસ્પિટલ ખસેડવામાં આવ્યા છે.&nbsp;<br /><br /></p> <p><strong>Panchmahal : ભાજપના ધારાસભ્ય રિસોર્ટમાં યુવક-યુવતીઓ સાથે માણી રહ્યા હતા મહેફિલ ને પડી પોલીસની રેડ</strong></p> <p>હાલોલઃ નડિયાદ જિલ્લાના માતર બેઠકથી ભાજપના ધારાસભ્ય જુગાર રમતા અને દારૂની મહેફિલ માણતા ઝડપાયા છે. હાલોલના શિવરાજપુર નજીક આવેલ જીમીરાં રિસોર્ટમાં પોલીસ દ્વારા દરોડા પાડવામાં આવ્યા હતા. પોલીસ દ્વારા તમામ લોકોની અટકાયત કરીને પુછપરછ ચલાવવામાં આવી રહી છે. ભાજપનાં ધારાસભ્ય (MLA) કેશરી સિંહ સોલંકી પણ જુગાર રમતા ઝડપાયા છે. કેશરી સિંહ ખેડાની માતરના ધારાસભ્ય છે. હાલ તો તેમની અટકાયત કરીને પુછપરછ ચાલી રહી છે.</p> <p>જીમીરા રીસોર્ટ વડોદરાના ભાજપના બક્ષીપંચના મહામંત્રીનુ હોવાનું સામે આવ્યું છે. વોર્ડ નંબર ૧ના ભાજપ બક્ષીપંચ મોરચાના મહામંત્રી અમિત ટેલરનું &nbsp;આ રીસોર્ટ છે. અમિત ટેલર નિવૃત જજના પુત્ર છે. એલસીબીએ સાંજે ૬ થી ૬:૩૦ની વચ્ચે રીસોર્ટની ઘેરા બંધી કરી હતી. ઘેરાબંધી કર્યા બાદ કરી હતી રેડ. રેડ કરતા એમએલએ કેશરીસિંહ અને અન્ય લોકો જુગાર રમતા અને દારૂની મહેફિલ માણતા ઝડપાયા હતા. હાલ પાવાગઢ પોલીસ અને એલસીબીએ રીસોર્ટ માલિક અમિત ટેલરની પણ શોધખોળ હાથ ધરી છે.&nbsp;</p> <p>ધારાસભ્ય સાથે નબીરા હોવાની ચર્ચા ચાલી રહી છે. રિસોર્ટમાં કસીનો ટાઈપ કોઈનથી જુગાર ધામ ચાલી રહ્યું હતું. આ ઉપરાંત હાઇપ્રોફાઇલ યુવતીઓ દ્વારા જુગાર રમાડાતો હોવાનું પણ સામે આવ્યું છે. પોલીસે લાખોની કિંમતના મુદ્દામાલ સાથે ધારાસભ્ય અને નબીરાઓને ઝડપી લીધા હતા.&nbsp;</p> <p>રિસોર્ટમાંથી ખેડા જિલ્લાના ધારાસભ્ય કેશરીસિંહ સોલંકી સહિત 18 પુરુષો અને 7 મહિલાઓ પણ ઝડપાઈ છે. &nbsp;મહિલાઓમાં 3 નેપાળી મહિલાઓનો પણ સમાવેશ થાય છે. દારૂની 7 ઉપરાંત બોટલ પણ મળી આવી છે. પોલીસે હાલ ધારાસભ્ય સહિત અન્યોની અટકાયત કરી વધુ કાર્યવાહી હાથધરી છે.&nbsp;</p> <p><br />પાવાગઢ પોલીસ સહિત એલસીબીની ટીમોનો કાફલો ઘટના સ્થળે પહોંચી ચુક્યો છે. ધારાસભ્ય સહિત નબીરાઓ જીમીરા રિસોર્ટમાં દારૂની પણ મહેફિલ માણી રહ્યા હોવાનું આધાર ભૂત સૂત્રો દ્વારા માહિતી મળી રહી છે. પોલીસ હાલ તમામ લોકોની પુછપરછ કરવામાં આવી રહી છે. જો કે હાલ પોલીસ પણ આ મુદ્દે કોઇ પ્રકારનું અધિકારીક નિવેદન આપવાનું ટાળી રહી છે. અંદર એક ધારાસભ્ય હોવાની વાત પણ સુત્રો જણાવી રહ્યા છે. જો કે પોલીસ આ અંગે મગ નું નામ મરી પાડવા માટે તૈયાર નથી.&nbsp;</p> <p>પોલીસ દ્વારા તમામ લોકોની અટકાયત કરીને પુછપરછ ચલાવવામાં આવી રહી છે. જિલ્લા પોલીસ અધિક્ષક સાથે થયેલી વાતચીત અનુસાર ભાજપનાં ધારાસભ્ય (MLA) કેશરી સિંહ સોલંકી પણ જુગાર રમતા ઝડપાયા છે. કેશરી સિંહ ખેડાની માતરના ધારાસભ્ય છે. હાલ તો તેમની અટકાયત કરીને પુછપરછ ચાલી રહી છે.&nbsp;</p> <p>&nbsp;</p>

from gujarat https://ift.tt/3ydaY9U
via IFTTT