જૂના ગેજેટ્સનો ઉપયોગ કરો છો તો થઈ જાવ સાવધાન, ગીત સાંભળતા કાનમાં ફાટ્યો ઈયરફોન, યુવકનું મોત

<p><strong>જયપુર:</strong> જે લોકો જૂના ગેજેટ્સનો ઉપયોગ કરે છે તેઓ ભાગ્યે જ જાણતા હોય છે કે એક સમય પછી ગેજેટ્સ કેટલા ખતરનાક બની શકે છે. તે અમુક સમયે જીવલેણ પણ બની શકે છે અને તમને મુશ્કેલીમાં મૂકી શકે છે. આવો જ એક કિસ્સો રાજસ્થાનના જયપુરમાં પ્રકાશમાં આવ્યો છે, જ્યાં ઇયરફોનના જોરદાર અવાજને કારણે એક યુવકે જીવ ગુમાવ્યો હતો. કહેવાય છે કે યુવક જૂના ઈયરફોન અને કોમ્પ્યુટરનો ઉપયોગ કરી રહ્યો હતો.</p> <p>આ ઘટના જયપુરના સિકર હાઇવે પર ઉદયપુરીયા ગામની છે, જ્યાં ઇયરફોન લગાવીને ગીતો સાંભળતી વખતે 28 વર્ષના યુવકનું મૃત્યુ થયું હતું. કહેવાય છે કે જ્યારે આ ઘટના બની ત્યારે તે કોમ્પ્યુટરમાં ઈયરફોન લગાવીને ગીતો સાંભળી રહ્યો હતો. અચાનક ઈયરફોન એક જોરદાર અવાજ સાથે ફૂટ્યો, જેના કારણે યુવકના કાનમાંથી લોહી નીકળવા લાગ્યું. તેને તાત્કાલિક હોસ્પિટલ લઈ જવામાં આવ્યો, પરંતુ ત્યાંના ડોક્ટરોએ તેને મૃત જાહેર કર્યો.</p> <p><strong>અને ઈયરફોનનો સ્પીકર ફૂટ્યો</strong></p> <p>ડોક્ટરોનું કહેવું છે કે ઈયરફોનના વિસ્ફોટને કારણે મોટા અવાજના કારણે યુવકને કાર્ડિયાક અરેસ્ટ આવ્યો હોવો જોઈએ, જેના કારણે તેણે પોતાનો જીવ ગુમાવ્યો હતો. યુવકના આ વર્ષે ફેબ્રુઆરીમાં લગ્ન થયા હતા અને તે અભ્યાસ માટે અવારનવાર કોમ્પ્યુટરનો ઉપયોગ કરતો હતો. શુક્રવારે બપોરે પણ તે પોતાના ઘરમાં કોમ્પ્યુટર સાથે જોડાયેલા ઈયરફોન સાથે ગીતો સાંભળી રહ્યો હતો, ત્યારે ઈયરફોનનો સ્પીકર ફૂટ્યો અને તેણે જીવ ગુમાવ્યો.</p> <p>મળતી માહિતી અનુસાર, ઘટના દરમિયાન તે રૂમમાં એકલો હતો. માતા, બહેન અને પરિવારના અન્ય સભ્યો નજીકના ખેતરમાં કામ કરી રહ્યા હતા. ઇયરફોનના વિસ્ફોટને કારણે મોટો અવાજ આવ્યો અને તે સાંભળીને&nbsp; પરિવારના સભ્યો ત્યાં દોડતા પહોંચ્યા. જો કે, તેઓએ યુવાનના મૃતદેહનું પોસ્ટમોર્ટમ કરાવ્યું ન હતું અને આ કારણોસર પોલીસે કેસ પણ નોંધ્યો ન હતો. એવું કહેવામાં આવી રહ્યું છે કે યુવક દ્વારા ઉપયોગમાં લેવાતા ઇયરફોન અને કોમ્પ્યુટર ઘણા જૂના છે.</p>

from india https://ift.tt/3AlJ9gM