What is Vishing: જાણો શું છે વિશિંગ ફ્રોડ ? કેવી રીતે લોકોને ઉતારવામાં આવે છે શીશામાં, જાણો બચવાનો ઉપાય

<p>આજના જમાનામાં સ્માર્ટ ફોનનો ઉપયોગ વધવાની સાથે ફ્રોડની સંખ્યા પણ વધી રહી છે. પેંતરાબાજો અવનવી તરકીબ અજમાવીને લોકોને ઝાળમાં ફસાવતા હોય છે. પરંતુ હાલ વિશિંગ ફ્રોડની ઘટના સામે આવી છરહી છે. જેમાં ભોગ બનનારની અંગત અને સંવેદનશીલ માહિતી જેવી કે લોગ ઈન આડઈ, યુઝરનેમ અન્ડ પાસવર્ડ, OTP, યુનિક રજિસ્ટ્રેશન નંબર, કાર્ડ પિન, સીવીવી, માતાનું નામ જેવી વિગતો મેળવીને છેતરવામાં આવી રહ્યા છે. આ રીતે લોકોને છેતરતાં લોકો પોતે બેંકમાંથી બોલી રહ્યા હોવાનું જણાવીને કેવાયસી કે અન્ય બહાને ગ્રાહકને લપેટમાં લઈ તેમની અંગત માહિતી મેળવી શીશામાં ઉતારી રહ્યા છે.</p> <p><strong>સાઇબર ક્રાઈમની સૌથી સરળ રીતે છે વિશિંગ ફ્રોડ</strong></p> <p>વિશિંગ ફ્રોડ કરતાં લોકો ફોન નંબરના સહારે લોકોની અંગત માહિતીઓ મેળવી પોતાનો ઈરાદો પાર પાડે છે. જે સાઈબર ક્રાઈમની સરળ રીત છે. જેમાં ફ્રોડ કરનારો વ્યક્તિ એવા નંબરનો ઉપયોગ કરે છે જેમાં લોકલ એરિયા કોડ હોય છે. આ ફોન નંબર કોઈ કંપની કે સરકારી એજન્સીના ફોન કોડથી મળતો આવે છે. સ્મીશઇંગમાં ટેક્સ્ટ મેસેજના સહારે ગુનાને અંજામ આપવામાં આવે છે. મેસેજમાં બેંક, બિઝનેસ કે સરકારી એજન્સી તરફથી પૂછપરછ કરવામાં આવતી હોવાનું જણાવવામાં આવે છે.</p> <p><strong>આવો મેસેજ આવે તો થઈ જાવ એલર્ટ</strong></p> <p>આવા મેસેજને મોટાભાગે અરજન્ટ જણાવવામાં આવે છે. જેમાં લખ્યું હોય છે કે &nbsp;&nbsp;તમારા ખાતામાં કેટલીક શંકાસ્પદ ગતિવિધિ જોવા મળી છે. લોકો ડરી જાય માટે આવા મેસેજ મોકલવામાં આવે છે. લોકો ડરીને તેનાથી બચવાનો ઉપાય પૂછે અને આ કોશિશમાં પોતાની અંગત માહિતી લીક કરે તેવો તેમનો આશય હોય છે.</p> <p><strong>બચવાનો ઉપાય</strong></p> <p>આ રીતના ગુનાથી બચવાથી સૌથી સફળ રીતે એન્ટીવાયરસ સોફટવેર છે. તમારા કમ્પ્યુટર, લેપટોપ કે અન્ય ઉપકરણોમાં એન્યીવાયરસ સોફટવેર હોવું જોઈએ, જેથી કરીને તમે ફ્રોડથી બચી શકો. એન્ટી વાયરસમાં માલવેર પ્રોટેક્શન પણ હોય છે, જેનાથી આવા ખતરાથી બચી શકાય છે. એન્ટી વાયરસ અનેક અલગ અલગ મેલવેર કે રેનસમવેર તથા સ્પાયવેરથી બચાવે છે. આ સોફ્ટવેર ફાયરવોલ, સ્પેમ ફિલ્ટર ઈન ડેપ્થ સ્કેનિંગ, સિક્યોરિટી રિપોર્ટ તથા ડાર્ક વેબ મોનિટરિંગની સુવિધા આપે છે.</p>

from india https://ift.tt/2WtpoFQ
via IFTTT