15 દિવસમાં જ 15% જળાશયો ભરાયા, ગત વર્ષની સરખામણીએ 54 ટકા ઓછો વરસાદ

<p>રાજ્યમાં સપ્ટેમ્બર માસમાં 15 દિવસમાં વરસેલા વરસાદના કારણે જળાશયો 15 ટકા ભરાયા છે. અત્યાર સુધી સરેરાશ 76% વરસાદ થયો છે. ગત વર્ષે 20 સપ્ટેમ્બર સુધી 130% વરસાદ થઇ ગયો હતો. ગત વર્ષ કરતાં આ વર્ષે હજુ 54% ઓછો વરસાદ છે. ગત વર્ષે મધ્ય ગુજરાતને બાદ કરતાં તમામ ઝોનમાં 100%થી વધારે વરસાદ થઇ ગયો હતો.</p> <p>રાજ્યના જળાશયોમાં 15 દિવસમાં જ 15 ટકા ડેમો ભરાઈ ગયા છે. જેમાં 102 જળાશયમાં 70 ટકા અને 51 ડેમ 100 ટકા ભરાયા છે. સૌરાષ્ટ્રમાં 48 ડેમ, દક્ષિણમાં 3 ડેમ ફૂલ થઈ ગયા. જ્યારે ઉત્તર-મધ્યમાં એક પણ ડેમ ભરાયા નહીં. આ સાથે જ જળાશયોમાં કુલ સરેરાશ જળસંગ્રહ 67 ટકાને પાર થઈ ચૂકયો છે.</p> <p>સપ્ટેમ્બર માસમાં 20 દિવસમાં જ 11 ઈંચ સરેરાશ વરસાદ નોંધાયો. રાજ્યના 36 જળાશયમાં હજુ 25 ટકાથી ઓછો જળસંગ્રહ છે. રાજ્યમાં હજુ પણ 18 ટકા વરસાદની ઘટ છે. 6 તાલુકાઓમાં 10 ઇંચથી ઓછો વરસાદ છે. 100 તાલુકાઓમાં 10થી 20 ઇંચ વચ્ચે વરસાદ છે.</p> <p>112 તાલુકાઓમાં 20થી 40 ઈંચ વરસાદ જ્યારે 33 તાલુકાઓમાં 40 ઇંચથી વધુ વરસાદ છે. જળાશયોમાં હાલમાં 67 ટકા જળસંગ્રહ છે. ઉત્તર ગુજરાત અને કચ્છમાં પાણી સંગ્રહ ઓછો છે.</p> <p>રાજ્યના કુલ જળસંગ્રહ 25 હજાર 244 મિલીયન ક્યુબીક મીટર સામે 22 હજાર 398 મિલીયન ક્યુબિક મીટર સંગ્રહ છે એટલે કે 88 ટકા સંગ્રહ 18 મુખ્ય જળાશયોમાં થયો. આ 18 જળાશય પૈકી 11 જળાશયોમાં જ 50 ટકાથી વધુ પાણી છે.</p> <p>જૂન મહિનામાં 5 ઇંચ, જુલાઇમાં 7 ઇંચ જ્યારે ઑગસ્ટમાં માત્ર 2.5 ઇંચ સરેરાશ વરસાદ થયો છે. સપ્ટેમ્બર મહિનામાં 20 દિવસમાં 11 ઈંચ વરસાદ નોંધાયો છે. રાજ્યમાં 102 જળાશયો 70%થી વધારે ભરેલા છે, 51 સંપૂર્ણ ભરેલા જ્યારે 36 જળાશયોમાં 25%થી ઓછું પાણી છે.</p>

from gujarat https://ift.tt/3EzMJql