મુખ્યમંત્રી ભુપેન્દ્ર પટેલની અધ્યક્ષ સ્થાને કેબિનેટની બીજી બેઠક, જાણો ક્યાં મુદ્દે મંથન

<p><strong>ગાંધીનગર:</strong>મુખ્યમંત્રીનો પદભાર સંભાળ્યા બાદ આજે મુખ્યમંત્રી ભૂપેન્દ્ર પટેલની અધ્યક્ષતામાં કેબિનેટની બેઠક શરૂ થઇ છે. કોરોનાકાળમાં નવરાત્રિના આયોજન સહિતની નવી ગાઇડલાઇન મુદ્દે ચર્ચાં થઇ શકે છે.</p> <p>મુખ્યમંત્રી ભૂપેન્દ્ર પટેલની અધ્યક્ષતામાં આજે કેબિનેટની બેઠક યોજાઇ છે. હાલ કોરોનાના કેસમાં સતત ઘટાડો થઇ રહ્યો છે. બીજી લહેર લગભગ સમાપ્ત થઇ ગઇ હોય તેવી સ્થિતિ છે. રાજ્યમાં મહામારી પર કાબૂ મેળવી લેવાયા બાદ હવે&nbsp; આવનાર તહેવારોને લઇને નવી ગાઇડલાઇન રજૂ થઇ શકે છે. આ મુદ્દે પણ બેઠકમાં મંથન થઇ રહ્યું છે.</p> <p><strong>કેબિનેટમાં ક્યાં મુદ્દે થઇ શકે છે ચર્ચાં</strong></p> <p>મુખ્યમંત્રી ભૂપેન્દ્ર પટેલની અધ્યક્ષતામાં આજે કેબિનેટની બેઠક યોજાઇ છે. બેઠકમાં રાજ્યમાં વરસાદની સ્થિતિ, ભારે વરસાદથી થયેલા નુકસાન તેમજ નવરાત્રિની ઉજવણી મુદ્દે પણ ચર્ચાં થઇ શકે છે અને નવી ગાઇડલાઇન&nbsp; પર્વની ઉજવણીને લઇને જાહેર થઇ શકે છે. કેબિનેટની બેઠકમાં વેક્સિનેશનની સ્થિતિ વિશે પણ સમીક્ષા થશે અને રાજ્યમાં ઝડપી વેક્સિનેશન મુદ્દે પણ નિર્ણય લેવાઇ શકે છે.</p> <p><strong>ભાજપના કયા સાંસદે લખ્યું</strong><strong>, '</strong><strong>ગાંધીનગર જતાં તો નીતિનભાઈ સામુય નહોતા જોતા</strong><strong>'</strong></p> <p>નો રિપીટ થિયરી બાદ નીતિન પટેલના નિવેદન પર સોશિયલ મીડિયા પર વોર શરૂ થઈ ગઈ છે. એબીપી અસ્મિતાને નીતિન પટેલે આપેલા ઇન્ટર્વયૂ પર ભાજપના સાંસદ નારણ કાછડિયાએ કટાક્ષ કર્યો હતો. તેમણે નીતિન પટેલના પેજ પર મુકેલા વીડિયો પર કોમેન્ટ કરી છે કે, મંત્રી હતા ત્યારે નીતિન પટેલ સામે પણ નહોતા જોતા. એબીપી અસ્મિતા સાથેની વાતચીતમાં નારાણ કાછડિયાએ આ કોમેન્ટ કરી હોવાનો સ્વીકાર કર્યો હતો. તેમણે કહ્યું કે, પહેલીથી જાગૃતિ રાખી હોત તો આજે આ હાલત ન હોત.&nbsp;</p> <p>ભાજપના સાંસદ નારાણ કાછડીયાએ પૂર્વ નાયબ મુખ્યમંત્રી નીતિન પટેલ પર ગંભીર આક્ષેપો લગાવ્યા છે. સૌની યોજના નીતિનભાઈના કારણે જ પાછળ ઠેલાઇ. અગાઉ પણ નીતિનભાઈએ સૌરાષ્ટ્રના લોકો માટે ગેરલાયક શબ્દો ઉચ્ચાર્યા હતા. નીતિનભાઈ જોડે મને કોઈ રાગદ્વેષ નથી. મારાથી વધારે બોલાયું હોય તો ક્ષમા કરજો. અમારા પ્રશ્નો લઈને ગાંધીનગર જતા તો રિસ્પોન્સ નહોતો મળતો. રાજનીતિમાં આવ્યા બાદ હું બદલીમાં નહીં પણ કામ કરાવવામાં માનું છું. મેં બદલી માટે આજ સુધી ક્યારેય સરકારમાં રજૂઆત કરી નથી.&nbsp;</p> <p>તેમણે કહ્યું હતું કે, કાર્યકર્તાઓનું સન્માન જળવાય એ જ મહત્વનું. આ સરકારમાં નવા કામો થશે તેવો મને વિશ્વાસ છે. પહેલા ઇન્કાર કરવાનો નીતિનભાઈનો સ્વભાવ હતો. ઘણા કાર્યકર્તાઓ અને આગેવાનોને પણ આ અનુભવ થયો.&nbsp;</p> <p>તેમણે આક્ષેપ લગાવ્યો હતો કે, નીતિન પટેલને કારણે સૌની યોજના 10 હજાર કરોડની હતી, તે 18 હજાર કરોડે પહોંચી છે. તેમણે નો રિપીટ થિયરીનું સ્વાગત કર્યું હતું. એટલું જ નહીં, તેમને પણ આ થિયરી હેઠળ દૂર કરવામાં આવશે, તો જે વ્યક્તિને લાવવામાં આવશે, તેમને ખભે બેસાડશે.&nbsp;</p> <p>&nbsp;</p> <p>&nbsp;</p> <p>&nbsp;</p> <p>&nbsp;</p> <p>&nbsp;</p> <p>&nbsp;</p>

from gujarat https://ift.tt/2XDdklg