માઉન્ટ આબૂમાં મોટી દૂર્ઘટનાઃ 11 KV વીજ લાઇન તૂટી જતાં બે બાઇક સવાર જીવતા સળગ્યા

<p><strong>આબુઃ</strong> રાજસ્થાનના પર્યટક સ્થળ માઉન્ટ આબુમાં મોટી દુર્ઘટના ઘટી છે. &nbsp;11 kv વીજ લાઈન તૂટી જવાના કારણે અકસ્માત સર્જાયો છે. અકસ્માતમાં બે બાઇક સવારો જીવતા સળગ્યા હતા. &nbsp;માઉન્ટ આબુમાં CRPF તિરાહેની ઘટના છે. &nbsp;ઘટનાની જાણ થતા પોલીસ ઘટના સ્થળે દોડી આવી હતી.&nbsp;</p> <p>સબ ડિવિઝનલ ઓફિસર ઘટના સ્થળે પહોંચી ગયા હતા. &nbsp;ઇલેક્ટ્રિક કરંટના કારણે બાઇકમાં આગ લાગી હતી. &nbsp;આગના કારણે બંન્ને યુવકો જીવતા બળી ગયા હતા. આ ઘટનાને પગલે લોકોમાં અરેરાટી વ્યાપી ગઈ હતી.</p> <p>અન્ય એક ઘટનામાં,&nbsp;આસામના કરીમગંજ જિલ્લામાં પુલ તૂટી પડતાં 30 વિદ્યાર્થીઓ ઘાયલ થયા હોવાના અહેવાલ છે. આ ઘટના આસામના કરીમગંજ જિલ્લામાં બની હતી જ્યાં લટકતો પુલ તૂટી પડતાં 30 જેટલા વિદ્યાર્થીઓ ઘાયલ થયા હતા. આ તમામ બાળકો શાળામાંથી ઘરે પરત ફરી રહ્યા હતા. રિપોર્ટ અનુસાર, આ ઘટના સોમવારે કરીમગંજ જિલ્લાના રતાબારી વિધાનસભા ક્ષેત્રના ચેરાગી વિસ્તારમાં બની હતી.</p> <p>&nbsp;</p> <p>વિદ્યાર્થીઓ શાળામાંથી ઘરે પરત ફરી રહ્યા હતા ત્યારે લટકતો પુલ તૂટી પડ્યો હતો. આસામની સિંગલા નદી પર બનેલો આ લટકતો પુલ ચેરાગી વિસ્તારને ગામ સાથે જોડતો એકમાત્ર પુલ છે. છેલ્લા ઘણા વર્ષોથી વિદ્યાર્થીઓ અને સ્થાનિકો અન્ય સ્થળોએ પહોંચવા માટે આ બ્રિજનો ઉપયોગ કરી રહ્યા છે. સોમવારે લટકતો પુલ અચાનક તૂટી પડ્યો હતો. જ્યારે ચેરાગી વિદ્યાપીઠ હાઇસ્કૂલના વિદ્યાર્થીઓએ આ પુલની મદદથી સિંગલા નદી પાર કરવાનો પ્રયાસ કર્યો હતો. જોકે, ઘટનાસ્થળે દોડી આવેલા પડોશના લોકોએ વિદ્યાર્થીઓને સમયસર નદીમાંથી બહાર કાઢ્યા હતા. આ ઘટનામાં 30 જેટલા વિદ્યાર્થીઓ ઘાયલ થયા હતા.</p> <p>&nbsp;</p> <p>ઘાયલ વિદ્યાર્થીઓને નજીકની હોસ્પિટલમાં દાખલ કરવામાં આવ્યા છે. ગ્રામજનોએ જણાવ્યું હતું કે લટકતો પુલ ત્રણ વર્ષ પહેલા બનાવવામાં આવ્યો હતો. એક અઠવાડિયા પહેલા આસામની રાજધાની ગુવાહાટીમાં પાંડુ ઘાટ પાસે બ્રહ્મપુત્રા નદીમાં ડૂબી જતાં ત્રણ છોકરાઓના મોત થયા હતા. હકીકતમાં, તે સમય દરમિયાન પણ, બાળકો ટ્યુશનનો અભ્યાસ કરીને ઘરે પરત ફરી રહ્યા હતા, જ્યારે છોકરાઓ નદીમાં તરવા માટે કૂદી પડ્યા હતા, અને જ્યારે તેઓ ડૂબી ગયા ત્યારે તેઓએ પોતાનો જીવ ગુમાવ્યો હતો.</p> <p>&nbsp;</p>

from gujarat https://ift.tt/3a8raiI