Corona Vaccine News: હિમાચલ પ્રદેશના કિન્નૌરે બનાવ્યો રેકોર્ડ, 100 ટકા રસીકરણ કરનાર દેશનો પ્રથમ જિલ્લો

<p><strong>Fully Vaccinated District:</strong> હિમાચલ પ્રદેશના કિન્નૌર જિલ્લાએ નવો રેકોર્ડ બનાવ્યો છે. કિન્નર દેશનો પહેલો જિલ્લો બની ગયો છે જ્યાં તમામ લોકોને કોરોના રસીના બંને ડોઝ આપવામાં આવ્યા છે. આ માહિતી જિલ્લા વહીવટીતંત્ર દ્વારા આપવામાં આવી છે. આ અંગે માહિતી આપતા જિલ્લાના નાયબ કમિશનર આબિદ હુસેન સાદિકે જણાવ્યું હતું કે, કોરોનાની રસીના બંને ડોઝ અહીંના તમામ લાયક લોકોને આપવામાં આવ્યા છે. તેમણે કહ્યું કે જિલ્લામાં આવા લોકોની કુલ સંખ્યા 60,305 છે. આ તમામ લોકોને રસી આપવામાં આવી છે. ડેપ્યુટી કમિશનરે જણાવ્યું હતું કે, મેડિકલ અને પેરા મેડિકલ કર્મચારીઓએ દિવસ-રાત મહેનત કરીને ખાતરી કરી છે કે જિલ્લામાં કોઈ વ્યક્તિ રસી વગર રહે નહીં.</p> <p><strong>ખૂબ મહત્વની સિદ્ધિ</strong></p> <p>આ જિલ્લાની ભૌગોલિક સ્થિતિને ધ્યાનમાં રાખીને આ સિદ્ધિ ખૂબ મહત્વની છે. કારણ કે, ભારે વરસાદ અને ભૂસ્ખલન જેવી આપત્તિઓ આ પ્રદેશ માટે એકદમ સામાન્ય છે. આવી સ્થિતિમાં, આ લક્ષ્ય પ્રાપ્ત કરવું ખૂબ જ પડકારજનક કાર્ય હતું. આ વર્ષે ભારે વરસાદના કારણે જિલ્લાના લોકોને ઘણી વખત આવી આફતોનો સામનો કરવો પડ્યો હતો જે રસીકરણના માર્ગમાં એક પડકાર બની ગયો હતો.</p> <p><strong>હિમાચલે પ્રથમ ડોઝ આપીને દેશમાં રેકોર્ડ બનાવ્યો </strong></p> <p>તમને જણાવી દઈએ કે હિમાચલ પ્રદેશમાં 53.77 લાખ લોકોને રસીનો પ્રથમ ડોઝ આપીને તેણે દેશમાં એક રેકોર્ડ બનાવ્યો છે. હિમાચલ પ્રદેશે આ વર્ષે 30 ઓગસ્ટે આ સિદ્ધિ હાંસલ કરી હતી. હવે હિમાચલ પ્રદેશનો કિન્નૌર જિલ્લો સંપૂર્ણ રસીકરણ માટેના જિલ્લાઓની યાદીમાં સમાવિષ્ટ છે (બંને ડોઝ).</p> <p><strong>દેશમાં કોરોના કેસ</strong></p> <p>દેશમાં જીવલેણ કોરોના વાયરસના મામલા ફરીથી ઘટ્યા છે. ગુરુવારે સવારે સ્વાસ્થ્ય મંત્રાલયે જાહેર કરેલા આંકડા પ્રમાણે છેલ્લા 24 કલાકમાં 18,987 નવા કેસ નોંધાયા છે અને 287&nbsp; સંક્રમિતોના મોત થયા છે.</p> <p><strong>છેલ્લા 13 દિવસમાં દેશમાં નોંધાયેલા કેસ</strong></p> <ul> <li>1 ઓક્ટોબરઃ 26,727</li> <li>2 ઓક્ટોબરઃ 24,534</li> <li>3 ઓક્ટોબરઃ 22,842</li> <li>4 ઓક્ટોબરઃ 20,799</li> <li>5 ઓક્ટોબરઃ 18,346</li> <li>6 ઓક્ટોબરઃ 18,383</li> <li>7 ઓક્ટોબરઃ 22,431</li> <li>8 ઓક્ટોબર: 21,527</li> <li>9 ઓક્ટોબરઃ 19,740</li> <li>10 ઓક્ટોબરઃ 18,106</li> <li>11 ઓક્ટોબરઃ 18,132</li> <li>12 ઓક્ટોબરઃ 14,313</li> <li>13 ઓક્ટોબરઃ 15,823</li> </ul> <p><strong>કેટલા સેમ્પલ ટેસ્ટ કરાયા</strong></p> <p>આઈસીએમઆરના જણાવ્યા મુજબ દેશમાં અત્યાર સુધીમાં 58,76,64,525 સેમ્પલ ટેસ્ટ કરવામાં આવ્યા છે, જે પૈકી 13,01,083 સેમ્પલનું ગઈકાલે ટેસ્ટિંગ થયું હતું.</p>

from india https://ift.tt/3vcezVt