કેવી રીતે જાસૂસી કરે છે Pegasus સ્પાયવેર, યૂઝરનો ફોન કેવી રીતે કરે છે હેક ...? જાણો વિગતે

<p><strong>નવી દિલ્હીઃ</strong> ભારતમાં થોડા સમય પહેલા જ પેગાસસ સ્પાયવેરને લઈને નવો વિવાદ છેડાઈ ગયો છે, જે આજે સુપ્રીમ કોર્ટના આ મામલાની તપાસના નિર્ણય સાથે પરાકાષ્ઠાએ પહોંચ્યો છે. કેન્દ્ર સરકારને ઝટકો આપતા દેશની સર્વોચ્ચ અદાલતે આ મામલાની તપાસ માટે નિષ્ણાત સમિતિની રચના કરી છે. હકીકતમાં, થોડા સમય પહેલા મીડિયા અહેવાલોને ટાંકીને કહેવામાં આવ્યું હતું કે આ સોફ્ટવેરની મદદથી ભારતમાં ડઝનેક રાજકારણીઓ, પત્રકારો અને કાર્યકર્તાઓની તેમના ફોન પર જાસૂસી કરવામાં આવી છે. વિપક્ષ આના પર ગુસ્સે થયો જ્યારે સરકારે કોઈપણ 'અનધિકૃત અવરોધ'નો ઇનકાર કર્યો હતો.</p> <p>તમને જણાવી દઈએ કે પેગાસસને ઈઝરાયેલ સ્થિત સાઈબર ઈન્ટેલિજન્સ અને સિક્યોરિટી ફર્મ NSO ગ્રુપ દ્વારા ડેવલપ કરવામાં આવ્યું છે. આ સ્પાયવેર 2016 થી અસ્તિત્વમાં હોવાનું માનવામાં આવે છે અને તે Q Suite અને Trident જેવા અન્ય નામોથી પણ ઓળખાય છે. બજારમાં ઉપલબ્ધ આવા તમામ ઉત્પાદનોમાં તે સૌથી વધુ ઉત્કૃષ્ટ માનવામાં આવે છે. તે એપલની મોબાઇલ ફોન ઓપરેટિંગ સિસ્ટમ iOS અને Android ઉપકરણોમાં પ્રવેશ કરી શકે છે. પેગાસસનો ઉપયોગ સરકારો દ્વારા લાયસન્સ આધાર પર કરવાનો હતો. મે 2019 માં તેના વિકાસકર્તાએ સરકારી ગુપ્તચર એજન્સીઓ અને અન્ય લોકો માટે પેગાસસનું વેચાણ મર્યાદિત કર્યું.</p> <p>NSO ગ્રૂપની વેબસાઈટના હોમ પેજ મુજબ, કંપની એવી ટેક્નોલોજી બનાવે છે જે "સરકારી એજન્સીઓને આતંકવાદ અને અપરાધને રોકવા અને તેની તપાસ કરવામાં મદદ કરે છે, વિશ્વભરમાં હજારો લોકોના જીવ બચાવે છે."</p> <p><strong>પેગાસસ સ્પાયવેર કેવી રીતે કામ કરે છે</strong></p> <p>ઈઝરાયેલના NSO ગ્રુપ દ્વારા વિકસિત પેગાસસ સ્પાયવેર iPhones અને Android ફોનમાં ઘૂસણખોરી કરવામાં સક્ષમ છે. હેકિંગમાં આ સોફ્ટવે WhatsApp ની એક ખામીનો ઉપયોગ કર્યો છે. આ સ્પાયવેર હાનિકારક લિંક અથવા મિસ્ડ વોટ્સએપ વિડીયો કોલ દ્વારા પ્રવેશ કરે છે. પછી તે ફોનના બેકગ્રાઉન્ડમાં ચુપચાપ સક્રિય થાય છે.</p> <p>આ રીતે, આ સ્પાયવેર ફોનના સંપર્કો, સંદેશાઓ અને અન્ય ડેટાની સંપૂર્ણ ઍક્સેસ મેળવે છે. આ સોફ્ટવેર યુઝરના ફોનના માઇક્રોફોન અને કેમેરાને પણ ઓટોમેટીક ઓન કરી શકે છે. વોટ્સએપે હવે આ ખામીને સુધારી છે.</p> <p><strong>ફોનમાં સ્પાયવેર કેવી રીતે પ્રવેશે છે</strong><strong>?</strong></p> <p>વોટ્સએપ વીડિયો કોલ યુઝરના ફોન પર આવે છે. એકવાર ફોનની રિંગ વાગે છે, હુમલાખોર હાનિકારક કોડ મોકલે છે અને આમ આ સ્પાયવેર ફોનમાં ઇન્સ્ટોલ થઈ જાય છે અને ઓપરેટિંગ સિસ્ટમ પર કબજો કરી લે છે. સ્પાયવેર સંદેશાઓ, કૉલ્સ, પાસવર્ડ્સની ઍક્સેસ મેળવે છે. તેની પાસે માઇક્રોફોન અને કેમેરાની પણ ઍક્સેસ છે, અને વપરાશકર્તાના ફોનમાં છૂપાઇ ગયા પછી આ સ્પાયવેર તમામ ડેટા અને ગુપ્ત જાણકારી ચોરી લે છે.</p>

from india https://ift.tt/3Gr2CAs