C.R. પાટીલે ભાજપના ક્યા બે ધારાસભ્યોને શાંતિના પ્રતિક ભગવાન બુધ્ધની પ્રતિમા આપવા કરી ટકોર, જાણો વિગત

<p><strong>વડોદરાઃ</strong> ગુજરાત ભાજપ દ્વારા હાલમાં દિવાળી પછી નવા વરસનાં સ્નેહ મિલન સંમેલન યોજાઈ રહ્યાં છે. વડોદરાના સયાજીપુરા એપીએમસીમાં યોજાયેલા વડોદરા જિલ્લા ભાજપના સ્નેહ મિલનમાં ગુજરાત પ્રદેશ પ્રમુખ સી.આર.પાટીલ હાજર રહ્યા હતા. આ સંમેલનમાં વડોદરા જિલ્લા પંચાયત ભાજપના પ્રમુખ અશોક પટેલે સી. આર. પાટીલનું ભગવાન બુધ્ધની પ્રતિમા આપી સન્માન કર્યું હતું.</p> <p>સી.આર.પાટીલે ભગવાન બુધ્ધની પ્રતિમા સ્વીકારતી વખતે હસતાં હસતાં ટકોર કરી હતી કે, ભાજપના ધારાસભ્યો કેતન ઈનામદાર અને મધુભાઈ શ્રીવાસ્તવને ભગવાન બુધ્ધની પ્રતિમા આપવા જેવી છે. આપણે આ બંને ધારાસભ્યને એક એક પ્રતિમા આપી દઈએ. કેતન ઈનામદાર અને મધુ શ્રીવાસ્તવ સતત વિવાદો ઉભા કર્યા કરે છે તેથી તેમને શાંતિની જરૂર છે એવું આડકતરી રીતે પાટિલે કહ્યું હતું.</p> <p>સી. આર. પાટીલે વધુમાં જણાવ્યું હતું કે, ગુજરાતનાં નવી સરકાર આવી અને નવા મંત્રીઓ આવ્યા તેના કારણે &nbsp;આખા દેશમાં લોકોને આશ્ચર્ય થયું છે. તેના પ્રતિકૂળ પ્રત્યાઘાત પડશે એવી વાતો થતી હતી પણ ભાજપના &nbsp;કાર્યકરોએ આ મોટા પરિવર્તનને બહુ સહજતાથી સ્વિકાર્યું છે. પાટીલે કહ્યું કે, ગુજરાતમાં નવા મંત્રીઓ આવ્યાં છે અને તેમને જૂના નેતાઓ માર્ગદર્શન આપી રહ્યાં છે તેથી બહુ સુમેળભર્યો માહોલ છે.</p>

from gujarat https://ift.tt/3kBCuJJ