Surat: નરાધમ પિતાએ રાત્રે દીકરીનું મોઢું દબાવી ગુજાર્યો બળાત્કાર, સવારે ફરી દીકરીને બનાવી હવસનો શિકાર, નાની દીકરીને પણ........

<p><strong>સુરતઃ</strong> સુરતના સલાબતપુરામાં બનેલી અત્યંત આઘાતજનક ઘટનામાં સગા પિતાએ જ 14 વર્ષીય દીકરી પર 8 કલાકમાં 2 વખત બળાત્કાર ગુજાર્યો હતો. આ નરાધમે પોતાની 13 વર્ષીય દીકરીની પણ છેડતી કરી હતી. પોલીસે છોકરીઓની ફરિયાદને આધારે ગુનો દાખલ કરીને નરાધમ પિતાની અટકાયત કરી છે.</p> <p>સલાબતપુરા પોલીસ સ્ટેશનમાંથી મળેલી માહિતી અનુસાર, માન દરવાજા વિસ્તારમાં પરિવાર સાથે રહેતા મુસ્લિમ પુરૂષના પરિવારમાં પત્ની, 2 દીકરા અને 2 દીકરી છે. આ પૈકી મોટી દીકરી 14 વર્ષની અને નાની દીકરી 13 વર્ષની છે. મોજી દીકરી ધોરણ 9માં અભ્યાસ કરે છે અને નાની દીકરી ધોરણ 8માં અભ્યાસ કરે છે.</p> <p>આઠેક મહિના પહેલાં આ નરાધમે તેની બંને દીકરીઓની છેડતી કરીને તેમના પર બળાત્કાર ગુજાર્યો હતો. બંનેએ માતાને ફરિયાદ કરી હતી &nbsp;પરંતુ માતાએ તે ફરિયાદને ગંભીરતાથી લીધી ન હતી. તેણે પતિને આવું ફરી નહીં કરવાની સલાહ આપી હતી. 2 દિવસ પહેલાં નરાધમ મોટી દીકરીને દરગાહ પર લઈ ગયો ત્યારે પણ રસ્તામાં તેની સાથે છેડતી કરી હતી.</p> <p>આ હેવાને મંગળવારે રાત્રે 12થી 1 દરમિયાન મોટી દીકરીનું મોઢું દબાવી બળાત્કાર ગુજાર્યો હતો. એ પછી તેણે સવારે 8 વાગ્યે બીજી વખત બળાત્કાર ગુજાર્યો હતો. આ ઉપરાંત નાની દીકરીની &nbsp;છેડતી કરી હતી. સવારે નાની દીકરીએ &nbsp;મોટી બહેન ને ફરિયાદ કરતાં બપોરે બંને બહેનોએ પોલીસ સ્ટેશને જઈને ફરિયાદ કરી હતી. પોલીસે ગુનો દાખલ કરીને આરોપીની અટકાયત કરી હતી.</p> <p>આ ફરિયાદમાં છોકરીઓએ કહ્યું છે કે, છોકરીઓને સ્કૂલોમાં ગુડ ટચ-બેડ ટચની માહિતી અપાય છે. દિવાળી વેકેશન પહેલા શી ટીમે મોટી દીકરીની સ્કૂલમાં ગુડ ટચ-બેડ ટચ વિશે સમજાવ્યું હતું. પોલીસે કહ્યું હતું કે, કોઈ તમને બેડ ટચ કરે ત્યારે ઘરે ભલે કોઈને ન કહેતા પરંતુ પોલીસને ચોક્કસ કહેશો. મોટી દીકરીએ પિતા સામે બળાત્કાર-છેડતી બાબતે માન દરવાજા પોલીસ ચોકી પહોંચી હકીકત જણાવતાં પોલીસ ચોંકી ઉઠી હતી. આ છોકરીને પોલીસ સ્ટેશને લઈ જઈ ઇન્સ્પેક્ટર એમ.વી. કિકાણીને હકીકત જણાવાતા ગુનો નોંધાયો હતો.</p>

from gujarat https://ift.tt/3BZo5go