Russia-Ukraine War Live Update : રશિયન રાષ્ટ્રપતિએ ન્યૂક્લિયર ફોર્સને કરી હાઇ એલર્ટ, રશિયા અને યુક્રેન બેલારૂસમાં વાતચીત માટે તૈયાર

<p>યુક્રેન અને રશિયા વચ્ચે ચાલી રહેલા યુદ્ધમાં દિવસે ને દિવસે સ્થિતિ બદલાઈ રહી છે. રશિયાએ ન્યુક્લિયર ડેટરેન્ટ ફોર્સને હાઈ એલર્ટ પર રહેવાનો આદેશ આપ્યો છે. ન્યુક્લિયર મોનિટરિંગ એજન્સી એક બેઠક યોજશે, જેમાં 35 દેશોના પ્રતિનિધિઓ ભાગ લેશે. અમેરિકાએ રશિયાના આ પગલાને સંયુક્ત રાષ્ટ્રમાં અસ્વીકાર્ય ગણાવ્યું છે. અમેરિકાએ કહ્યું છે કે તે યુક્રેનમાં રશિયન સૈન્ય કાર્યવાહીને રોકવાના પ્રયાસો ચાલુ રાખશે.</p> <p>આ બધાની વચ્ચે રશિયા અને&nbsp; યુક્રેન વાતચીત&nbsp; માટે તૈયાર થયા છે. યૂક્રેનનું પ્રતિનિધિમંડળ બેલારૂસ રવાના થયા હતા. યુક્રેનના રાષ્ટ્રપતિ રવિવારે બેલારુસના રાષ્ટ્રપતિ સાથે ફોન પર વાત કરી હતી. તેઓએ બેલારુસના રાષ્ટ્રપતિ સાથેની વાતચીતની પુષ્ટિ કરતા કહ્યું કે તેઓ રશિયા સાથે બિનશરતી વાતચીત માટે તૈયાર છે. રશિયા અને યુક્રેનના પ્રતિનિધિમંડળો વાતચીત માટે નિર્ધારિત સ્થળે પહોંચવાનું શરૂ કરી દીધું છે. જો કે હજુ સુધી વાતચીત શરૂ થઈ નથી.</p> <p>જોકે, રશિયા તરફથી કહેવામાં આવ્યું કે તેઓ વાતચીત માટે હુમલાઓ બંધ નહીં કરે. રશિયાના રાષ્ટ્રપતિએ પણ સંરક્ષણ મંત્રાલયને ન્યુક્લિયર ડિટરન્ટ ફોર્સને હાઈ એલર્ટ પર રાખવાનો આદેશ આપ્યો છે.</p> <p>સંયુક્ત રાષ્ટ્ર સુરક્ષા પરિષદ (UNSC) એ UNGA ખાતે યુક્રેન પર કટોકટી વિશેષ સત્ર બોલાવવાનું નક્કી કર્યું છે. આ સંદર્ભમાં, 15 સભ્ય દેશોમાંથી 11 દેશોએ તરફેણમાં મતદાન કર્યું જ્યારે માત્ર રશિયાએ તેની વિરુદ્ધમાં મતદાન કર્યું હતું. ચીન, ભારત અને સંયુક્ત આરબ અમીરાતે મતદાનમાં ભાગ લીધો ન હતો. અમેરિકાના સમયાનુસાર, UNGA પ્રમુખ અબ્દુલ્લા શાહિદ 28 ફેબ્રુઆરી 2022ના રોજ સવારે 10 વાગ્યે ન્યૂયોર્કમાં સંયુક્ત રાષ્ટ્રના મુખ્યાલયમાં મહાસભાના 11મા વિશેષ સત્રની અધ્યક્ષતા કરશે.</p> <p>&nbsp;</p>

from world https://ift.tt/05wSKL2